Nacyjanalnaja asambleja Francyi dazvoliła adnapołym param usynaŭlać dziaciej 13

Nižniaja pałata parłamienta Francyi całkam uchvaliła zakonaprajekt, jaki dazvalaje adnapołym param ustupać u aficyjnyja šluby i usynaŭlać dziaciej.

Za pryniaćcie zakona prahałasavali 329 zakanadaŭcaŭ, suprać - 229. Ciapier dakumient adpravicca na razhlad u Sienat,

u jakim taksama daminujuć sacyjalisty i ich sajuźniki.

Lehalizacyja adnapołych šlubaŭ była adnym ź pieradvybarnych abiacańniaŭ ciapierašniaha prezidenta Francyi Fransua Alanda.

U Paryžy na akcyju ŭ padtrymku hetaj reformy 27 studzienia pryjšli dziasiatki tysiač čałaviek. Stolki ž aktyvistaŭ sabrała i akcyja praciŭnikaŭ homaseksualnych sajuzaŭ.

Jak pakazvajuć apytańni, bolšaść francuzaŭ vykazvajucca za lehalizacyju hiej-šlubaŭ, adnak druhi punkt zakonaprajekta, jaki dazvalaje adnapołym param usynaŭlać dziaciej, maje značna mienšuju padtrymku ŭ hramadstvie.

AP

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH