Centrabank Litvy abmiežavaŭ dziejnaść banka Ūkio bankas, jaki naležyć Uładzimiru Ramanavu. Pa sutnaści paŭtarajecca historyja banka Snoras.
Paśla acenki spravazdačy pa inśpiektacyi i inšych sabranych źviestak z metaj abarony intaresaŭ hramadzian, układčykaŭ i intaresaŭ inšych klijentaŭ kiravańnie Centrabanka paviedamiła ab abmiežavańni dziejnaści kampanii Ūkio bankas. Rašeńniem praŭleńnia pryznačany časovy administratar banka, jaki pavinien pradstavić rašeńni. Hetyja rašeńni dazvolać zabiaśpiečyć vykanańnie abaviazki banka pierad klijentami.
Praŭleńnie Centrabanka vyrašyła abmiežavać dziejnaść banka, acaniŭšy ryzykoŭnyja tendencyi dziejnaści banka ŭ apošni čas, dziejańni, jakija akcyjaniery rabili na škodu banku, nievykanańnie ŭkazańniaŭ kantralujučych viedamstvaŭ.Rašeńnie było pryniata, kali pierakanalisia, što inšyja ustanoŭlenyja zakonam miery dla abarony intaresaŭ ŭkładčykaŭ i hramadskaj cikavaści niedastatkovyja.
U pracesie inśpiektacyi ŭstanoŭlena, što bank zajmaŭsia ryzykoŭnaj dziejnaściu, nie ŭ poŭnaj miery acaniŭ uziatyja na siabie kredytnyja ryzyki, nie va ŭsich vypadkach pierakanaŭsia ŭ mahčymaściach daŭžnikoŭ viarnuć kredyt, nie farmavaŭ adkłady na prablemnyja kredyty i h.d.
Ustanoŭlena, što paśla sfarmiravańnia adkładaŭ na prablemnyja kredyty, naležnym čynam acanić inšaje majomaść, čystaja košt majomaści banka była b mienš dekłaravanaj ŭ spravazdačach, a bank nie vykonvaŭ by narmatyvy. Akramia taho, pa dadzienych Centrabanka, z 12 lutaha Ūkio bankas nie vykonvaje narmatyŭ likvidnaści.
Navat paśla šerahu patrabavańniaŭ Centrabanku nie pradstavili dadzienyja, jakija dakazvajuć, što asnoŭnyja akcyjaniery Ūkio bankas byli hatovyja zabiaśpiečyć nadziejnaje kiravańnie bankam i mahli ŭmacavać kapitał, a taksama likvidavać niedachopy dziejnaści.
Časovym administrataram Ūkio bankas pryznačany Adomas Audzickas. Vysnovy i prapanovy jon pavinien pradstavić Centrabanku na praciahu 6 dzion z dnia pryniaćcia pastanovy ab jaho pryznačeńni.
Časova, da pryniaćcia rašeńniaŭ, bank nie budzie pradastaŭlać finansavyja pasłuhi.
