Ci zamieniać «pravilnuju anhlijskuju» na Płoščy Lenina na biełaruskuju łacinku? 25

Niadaŭna biełaruskamoŭnyja karystalniki «Facebook» iznoŭ padniali temu łacinki ŭ minskim mietro. Hetym razam fatazdymak ukazalnikaŭ na stancyi «Płošča Lenina» pryviali dokazam taho, maŭlaŭ, dajhralisia: voś užo łacinku «pa šmatlikich prośbach» zamianiajuć na «narmalnuju anhlijskuju».

Panika była pamyłkovaj: «Płošča Lenina» ŭvohule stała pieršaj stancyjaj, na jakoj źjavilisia ŭkazalniki i infarmacyjnyja šyldy novaha ŭzoru. «NN» patelefanavała hałoŭnamu inžynieru słužby ruchu KUP «Minski mietrapaliten» Hieorhiju Tkaču i daviedałasia, ci zamieniać pamyłkovyja ŭkazalniki i čamu jany ŭvohule źjavilisia ŭ mietro.

— Nie mahu skazać dakładna, kali šyldy zamieniać, — kaža Hieorhi Tkač. — Zaraz usio ŭzhadniajecca ŭ Minharvykankamie, bo načalnik nie choča daremna tracić hrošy.

Spačatku Minharvykankam zahadaŭ dublavać šyldy pa-anhlijsku. My zaklučyli damovu ź Minskim dziaržaŭnym linhvistyčnym univiersitetam, i jany zrabili nam tranśliteracyju nazvaŭ z dapamohaj anhlijskaha ałfavita. Ale potym akazałasia, što treba pisać na biełaruskaj łacincy. Tamu zaraz my ŭsio ŭzhadniajem ź Minharvykankamam. Jak jany ŭsio ŭzhadniać, tady my i zrobim. U nas u płanach zamiena ŭkazalnikaŭ na čatyroch stancyjach: «Płošča Lenina», «Niamiha», «Kastryčnickaja» i «Kupałaŭskaja».

Majecca na ŭvazie, što ŭkazalniki typu "Nezalezhnastsi square" zamieniać na "Plošča Niezaliežnaści". Nacyjanalnaja samapavaha, takim čynam, pieramahła.

0

0

0

0

0

0

Kiryła Chilko

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH