Ukazam № 566 ad 22 śniežnia Alaksandr Łukašenka nadzialiŭ siabie pravam vyznačać kampanii, jakija zajmajucca ekspartam kalijnych uhnajeńniaŭ.
Padpunkt 1.1. punkta 1 ukaza prezidenta ad 5 žniŭnia 2005 hoda № 398 «Ab udaskanalvańni ekspartu kalijnych uhnajeńniaŭ» raniej praduhledžvaŭ, što vyklučnaje prava ekspartu ŭhnajeńniaŭ, zamacavanaje za dziaržavaj, realizoŭvałasia «Biełaruśkalijem» i Biełaruskaj kalijnaj kampanijaj, pry hetym «Biełaruśkalij» vyvoziŭ uhnajeńni i pradavaŭ ich tolki BKK. Ciapier prava ekspartu realizujecca «i inšymi arhanizacyjami, vyznačanymi prezidentam». Hetyja ž «inšyja arhanizacyi» buduć nabyvać uhnajeńni ŭ «Biełaruśkalija» poruč z BKK.
Karekciroŭka zakanadaŭstva abumoŭlena «ŭdaskanaleńniem rehulavańnia ekspartu asobnych vidaŭ tavaraŭ z ulikam ekanamičnych intaresaŭ Respubliki Biełaruś».
50% akcyj BKK naležyć rasijskamu «Urałkaliju», 45% — «Biełaruśkaliju», 5% — Biełaruskaj čyhuncy.
