Žychar Homiela ŭ vośmy raz adpraŭleny ŭ ŁPP 1

U vośmy raz žychar Čyhunačnaha rajona Homiela pa rašeńni suda adpraŭleny ŭ lačebna-pracoŭny prafiłaktoryj (ŁPP).

Jak paviedamili ŭ prakuratury Čyhunačnaha rajona Homiela, 41-hadovy mužčyna nidzie nie pracuje, žyvie za košt piensii sastarełaj maci, nieadnarazova nakiroŭvaŭsia ŭ lačebna-pracoŭny prafiłaktoryj u suviazi ź niepieraadolnaj ciahaj da śpirtnoha.

Na praciahu hoda hamialčanin šeść razoŭ pryciahvaŭsia da administracyjnaj adkaznaści za ŭčynieńnie pravaparušeńniaŭ u stanie ałkaholnaha apjanieńnia.

Ź im sistematyčna pravodziłasia prafiłaktyčnaja praca, u jaho adras vynosiłasia aficyjnaje papiaredžańnie ab niedapuščalnaści antyhramadskich pavodzinaŭ i mahčymaści nakiroŭvańnia ŭ ŁPP.

Vypiŭšy ŭ čarhovy raz, jak patłumačyŭ ałkaholik padčas sudovaha pasiadžeńnia, jon «pryjšoŭ u hramadski punkt achovy pravaparadku ŭ hości da supracoŭnikaŭ milicyi».

Vyniesienaje hamialčaninu 14 śniežnia sudom Čyhunačnaha rajona rašeńnie ab nakiroŭvańni na prymusovaje lačeńnie va ŭmovach ŁPP terminam na 12 miesiacaŭ ź izalacyjaj ad hramadstva dla miedyka-sacyjalnaj readaptacyi z abaviazkovym pryciahnieńniem da pracy nie stała dla jaho vialikaj niečakanaściu. Zasmuciła jaho tolki toje, što nadychodziačy Novy hod jon budzie sustrakać nie ŭ pryvyčnaj kampanii sabutelnikaŭ, a ŭ ŁPP.

Alena Hiermanovič, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH