U Hrodnie 12-hadovy chłopčyk abkradaŭ niezamknutyja kvatery, u jakich znachodzilisia haspadary 5

Pra hety vypadak raspavioŭ načalnik adździeła kryminalnaha vyšuku AUS administracyi Kastryčnickaha rajona Hrodna Viačasłaŭ Dziemidovič.

U milicyju stali źviartacca žychary mikrarajona Višniaviec, z kvater jakich padčas ich prysutnaści doma źnikali rečy, pieravažna sumački z dakumientami i hrašyma. Paśla častku rečaŭ, nie cikavych złodzieju, ludzi znachodzili ŭ padjezdach, śmiećciepravodach.

Znajści złodzieja dapamahła videakamiera, ustalavanaja žycharami adnaho z žyllova-budaŭničych kaapieratyvaŭ u padjeździe.

Na ździŭleńnie im apynuŭsia 12-hadovy chłopčyk. Milicyja ŭstanaviła jaho asobu i vyklikała z mamaj u RAUS.

Juny złodziej skazaŭ, što sam prydumaŭ takuju ​​schiemu.

Za listapad-śniežań ustanoŭlena 6 epizodaŭ kradziažoŭ. Častka hrošaj i sumku z dakumientami z apošniaj kvatery ŭdałosia viarnuć ŭładalniku.

Chłopčyk vychoŭvajecca ŭ šmatdzietnaj siamji. Starejšy brat užo maje sudzimaść. Siamjoj zaniałasia inśpiekcyja pa spravach niepaŭnaletnich.

Jak padkreślili ŭ RAUS, heta druhi vypadak u Hrodnie, kali raskryć kvaternuju kradziež dapamahła ustalavanaja ŭ padjeździe pa inicyjatyvie žycharoŭ videakamiera.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH