Na tramvajnym kole na vulicy Kazłova druhi dzień zapar utvarajucca zatory. Učora tramvai spynilisia ŭ druhoj pałovie dnia, siońnia — pryblizna a 14-j.
U sacyjalnych sietkach navat źjavilisia paviedamleńni pra toje, što adzin z tramvajaŭ syšoŭ z rejek.
Jak patłumačyŭ karespandentu «NN» namieśnik dyrektara tramvajnaha parka pa biaśpiecy ruchu Dźmitryj Sasnovič, pryčynaj siońniašniaha incydentu stała DTZ na maršrucie tramvaja. Učora tramvai spynilisia z-za lehkavika, jaki stajaŭ na rejkach biez uklučanych habarytnych ahnioŭ i avaryjnych sihnałaŭ. Tramvai z rejek nie sychodzili, padkreśliŭ namieśnik dyrektara.
Nahadajem, što z-za składanych umoŭ nadvorja Dziaržaŭtainśpiekcyjaj uviedzieny płan «Nadvorje» na bolšaj častcy terytoryi krainy.
