Nabyŭ moc prysud u dačynieńni da35-hadovaj žycharki Homiela, jakaja abvinavačvałasia pavodle častki 3 artykuła 209 Kryminalnaha kodeksa Biełarusi (machlarstva ŭ bujnym pamiery). Paciarpiełym pa spravie prachodziŭ50-hadovy hramadzianin Aŭstralii.
Jak paviedamiła prakuror adździeła prakuratury Homielskaj vobłaści Iryna Kurbackaja, žančyna zaprasiła ŭ hości mužčynu, ź jakim paznajomiłasia praź internet. Prybyŭšy ŭ aeraport u Minsku, zamiežny hramadzianin sieŭ u mašynu da znajomaha hamialčanki, jaki advioz jaho ŭ Homiel, adnak nazvaŭ jaho Słaŭharadam.
U Homieli žančyna paviała aŭstralijca ŭ bank, kab źniać ź jaho rachunku hrošy, jakija nibyta nieabchodna zapłacić za rehistracyju (bolš jak 4 tysiačy dalaraŭ).Usiu sumu hamialčanka zabrała sabie, a zamiežnaha hramadzianina adpraviła ŭ Mahiloŭ, kab jon adznačyŭsia ŭ haścinicy, jakaja była zabraniravana na jaho imia. Kali aŭstralijec telefanavaŭ siabroŭcy z Mahilova, jana ŭžo nie adkazvała na jaho telefonnyja zvanki. Mužčyna zrazumieŭ, što jaho ašukali, i źviarnuŭsia ŭ milicyju.
Machlarka rastłumačyła, što vykarystoŭvała vydumanaje imia i nazvu horada, bo bajałasia małaznajomaha mužčyny z Aŭstralii.Hamialčanka była nieŭzabavie zatrymana. Jana adrazu viarnuła zamiežnamu hramadzianinu praktyčna ŭsiu sumu, i jon pajechaŭ damoŭ. Padčas śledstva i na sudzie žančyna nie pryznała svaju vinu, zajaviŭšy, što aŭstralijec dobraachvotna i śviadoma pieradavaŭ joj hrošy.
Abvinavačvanaja abskardziła pryhavor pieršaj instancyi, ale abłasny sud pakinuŭ jaho ŭ sile — dva hady pazbaŭleńnia voli.
0
0
0
0
0
0
