Žychar Mahilova, mular piataha razradu Alaksiej Paŭłoŭski nakiravaŭ list Alaksandru Łukašenku z prośbaj adkłaści naviedvańnie ŭviedzienaha ŭ stroj vosieńniu hetaha hodaviertykalna-intehravanaha drevaapracoŭčaha kompleksu ZTAA «VMH Industry».
U liście Paŭłoŭski, jaki raniej pracavaŭ na budaŭnictvie hetaha abjekta, jakoje viało AAT «Pramžyłbud», nahadvaje pra padzieńnie tam ściany vyšynioj 10 mietraŭ ad mocnaha vietru ŭ červieni. Budaŭnik piša, što da padzieńnia ściany jon papiaredžvaŭ pra mahčymy incydent «z pryčyny taho, što nie macavalisia ścieny da kałon» i kiraŭnictva AAT «Pramžyłbud», i kiraŭnictva vobłaści. Adnak, pavodle jaho śćviardžeńnia, reakcyjaj načalstva budaŭničaj arhanizacyi stała jaho zvalnieńnie. Paśla padzieńnia ściany Paŭłoŭski źviartaŭsia ŭžo ŭ prakuraturu vobłaści z patrabavańniem pravierki vykładzienaha im fakta abvalvańnia. Prakuratura nie znajšła paćviardžeńnia hetamu faktu, i prakuror vobłaści Eduard Siańkievič abvierh infarmacyju pra padzieńnie ściany.
«Ja adčuvaju adkaznaść jak za žyćcio rabotnikaŭ fabryki, tak i za žyćcio vysokich asob, jakija pažadali naviedać hety patencyjalna niebiaśpiečny abjekt», — piša Paŭłoŭski.Jon prosić Łukašenku adkłaści naviedvańnie drevaapracoŭčaha zavoda «ŭ suviazi z patencyjalnaj niebiaśpiekaj dla žyćcia (mahčymaść być prycisnutym ścianoj), pakul nie buduć abśledavany ŭsie macavańni ścien da kałon niezaležnaj (nie z Mahiloŭskaj vobłaści) kamisijaj». Da lista Paŭłoŭski prykładaje fota abvalenaj ściany.
Adznačym, što hiendyrektar ZTAA «VMH Industry» Viktaras Adamajcis prakamientavaŭ infarmacyju pra padzieńnie ściany pry budaŭnictvie drevaapracoŭčaha zavoda. «Kožny prajekt maje pazicyju i apazicyju. Tak i naš prajekt. Čym prajekt bujniejšy, tym bujniejšaja apazicyja. Mnohija nie žadali, kab my siudy inviestavali.
I toje, što abvalilisia dva cahlanyja rady pieraharodki, — pry budaŭnictvie ŭsio byvaje. Byvaje, małatok z ruk valicca.My hety vypadak navat nie zarehistravali jak incydent», — zajaviŭ kiraŭnik «VMH Industry».
Nahadajem, raniej hałoŭny inžynier AAT «Pramžyłbud» Siarhiej Kałasoŭski paviedamiŭ BiełaPAN, što ściana korpusa drevaapracoŭčaha zavoda abvaliłasiaz-za «mocnaj vietravoj nahruzki».
Pavodle najaŭnaj infarmacyi, vizit Łukašenki ŭ Mahiloŭskuju vobłaść mahčymy ŭ hetym miesiacy. Infarmacyi pra płany naviedvańnia im novaha drevaapracoŭčaha zavoda pakul nie pastupała.
