Centrvybarkam 3 śniežnia adpraviŭ Alaksandru Łukašenku prapanovy pa ŭniasieńni źmienaŭ u vybarčaje zakanadaŭstva.Centralnaja kamisija pa vybarach i praviadzieńni respublikanskich refierendumaŭ, u pryvatnaści, vystupaje za pašyreńnie mahčymaściaŭ dla vyłučeńnia kandydataŭ u deputaty pałaty pradstaŭnikoŭ praz nadańnie takoha prava respublikanskim hramadskim ab`iadnańniam kolkaściu bolš za tysiaču čałaviek.
CVK taksama prapanoŭvaje vyklučyć z artykuła Vybarčaha kodeksa, što tyčycca praviadzieńnia pieradvybarnaj ahitacyi, pałažeńnie ab bajkocie vybaraŭ.Na dumku CVK, ahitacyja za bajkot pavinna rehulavacca nie vybarčym zakanadaŭstvam, a zakonam ab masavych mierapryjemstvach.
Centrvybarkam prapanoŭvaje pavialičyć pamiery asabistych finansavych vybarčych fondaŭ kandydataŭ u deputaty parłamienta i prezidenty, a taksama dać mahčymaść ich adkryćcia kandydatam u deputaty miascovych savietaŭ.
Taksama CVK ličyć mahčymym admovicca ad debataŭ na radyjo, pakinuŭšy ich praviadzieńnie tolki na telebačańni.Na dumku Centrvybarkama, padčas ahitacyjnaj kampanii možna admovicca ad vydzialeńnia kandydatam biudžetnych srodkaŭ dla vyrabu ahitacyjnych ulotak.
U CVK nie vyklučajuć, što źmieny ŭ vybarčaje zakanadaŭstva mohuć być pryniatyja da čarhovych vybaraŭ — deputataŭ miascovych savietaŭ, jakija projduć nie paźniej za 23 sakavika 2014 hoda.
Pra nieabchodnaść uniasieńnia źmienaŭ u vybarčaje zakanadaŭstva ŭ CVK stali zajaŭlać padčas parłamienckich vybaraŭ, što prajšli 23 vieraśnia hetaha hoda.Paśla vybaraŭ kiraŭnik Centrvybarkama Lidzija Jarmošyna zajaviła BiełaPAN, što «vybarčaje zakanadaŭstva Biełarusi maje patrebu ŭ madernizacyi».
«Prynamsi, kali nie vybarčuju sistemu, to vybarčaje zakanadaŭstva madernizacyja pavinna zakranuć. Nam užo čas pierachodzić ad takich patryjarchalnych noravaŭ, jakija ŭ nas isnujuć, a mienavita — sucelnaha masavaha biudžetnaha finansavańnia vybaraŭ, kali ŭsio robicca za košt ułady, a kandydaty ihnarujuć mahčymaść stvaryć finansavyja fondy», — skazała kiraŭnik CVK. Pavodle jaje słoŭ, Biełarusi nieabchodna «pierachodzić u peŭnym płanie da kapitalizmu na vybarach».
Na ich dumku, dekaratyŭnyja źmieny ŭ čarhovy raz buduć zaklikanyja prykryć niežadańnie ažyćciaŭlać choćRazam z tym, niezaležnyja ekśpierty miarkujuć, što prapanovy CVK havorać, chutčej, pra padrychtoŭku imitacyi reform, čym pra realnuju madernizacyju.
