AHP płanuje 91 pikiet u hadavinu Płoščy 3

Pra heta BiełaPAN paviedamiła pres-sakratar AHP Hanna Krasulina.

Pavodle jaje słoŭ, usie pikiety projduć pad devizam: «Vykrali vybary, kab pradać krainu».

«Takim čynam, 19 śniežnia my vyrašajem dźvie zadačy. Pa-pieršaje, my pryciahvajem uvahu da taho, što ŭ Biełarusi jak takich vybaraŭ niama, i ničoha nie źmienicca da taho času, pakul nie budzie sapraŭdnych vybaraŭ, nijakija našy prablemy vyrašany nie buduć, nijakaj madernizacyi nie adbudziecca i hetak dalej. Pa-druhoje, my vykryvajem, čamu skrali vybary — miechanizmy „siejfavyja“ pryvatyzacyi, rasprodaž krainy pad vyhladam pryvatyzacyi i hetak dalej», — skazała Krasulina.

Jana nie spadziajecca, što pikiety buduć dazvolenyja,

adnak navat sam fakt padačy takich zajavak ličyć stanoŭčym momantam. «Tym, što my padajem zajaŭki, my ŭžo infarmujem ludziej ab tym, što adbyvajecca: ab prablemach z vybarami i z pryvatyzacyjaj. Akramia taho, my infarmujem dziaržaŭnyja orhany ab tych ža prablemach. Dalej — admovy pavinien niechta padpisać. I ŭ dalejšym hetyja ludzi nie zmohuć kazać, što «jany ničoha drennaha nie rabili», i jany tut ni pry čym. I jašče:

my infarmujem samich čynoŭnikaŭ, što vyniki niezakonnaj pryvatyzacyi mohuć być pierahledžany, a tyja, chto tak ci inakš prymaŭ u joj udzieł, mohuć być pryciahnuty da adkaznaści.

Čynoŭniki, jakija zabaroniać pikiety, taksama mohuć ličycca pamahatymi niezakonnaj pryvatyzacyi «, — ličyć Krasulina.

«U rešcie rešt,

u Mahilovie ža dazvolili «Słavianski marš», čamu b nie dazvolić i pikiety?» —

Zadałasia pytańniem pres-sakratar AHP.

Jana adznačyła, što navat u vypadku zabarony pikietaŭ AHP usio roŭna praviadzie «dzień infarmavańnia nasielnictva».

«Nichto nie moža zabaranić nam vyjści da prachadnych zavodaŭ, razdavać infarmacyjnyja materyjały abo pravieści akcyi ŭ inšym farmacie, što nie patrabuje ŭzhadnieńnia», —

padkreśliła Krasulina.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH