Ukrainskamu «Ajerosvitu» zabaranili lotać u Biełaruś 1

Rejsy ŭkrainskaj avijakampanii «Ajerosvit» nie prybyvajuć u Nacyjanalny aeraport «Minsk». Pryčyna, na žal, banalnaja — nieapłata ŭkrainskimi avijatarami pasłuh biełaruskaha boku.

U pres-słužbie Nacyjanalnaha aeraporta «Minsk» paviedamili, što rejsy «Ajerosvita» Kijeŭ — Minsk — Kijeŭ admianiajucca ŭžo treci dzień zapar. Pryčym ukrainski bok kožny dzień paviedamlaje ab admienie jašče napiaredadni, ale kankretnych pryčyn nie ŭdakładniaje.

Zatoje pra pryčyny ŭdałosia daviedacca ŭ minskaha pradstaŭnika «Ajerosvita» Aleha Žaŭtka, jaki paviedamiŭ, što avijakampanija zavinavaciłasia biełaruskamu RUP «Biełaeranavihacyja» apłatu za karystańnie pavietranaj prastoraj krainy, u vyniku čaho ŭkrainskija avijatary pazbavilisia dazvołu na paloty ŭ Miensk. Pasažyry pry hetym absalutna nie paciarpieli — usie jany pieranakiroŭvajucca na rejsy Nacyjanalnaj avijakampanii «Biełavija», u jakoj, padkreśliŭ Aleh Žaŭtok, nikoli nie ŭźnikaje prablem z rehularnaściu na kijeŭskim kirunku.

U «Biełaeranavihacyi» ŭstrymalisia ad aficyjnaha kamientara pra sumu zapazyčanaści ŭkrainskaj avijakampanii biełaruskaj słužbie ŭpraŭleńnia pavietranym rucham.

Adnak nieaficyjna krynica na pradpryjemstvie padkreśliła, što prablema hetaja datyčycca vyklučna finansavych uzajemaraźlikaŭ subjektaŭ haspadarańnia i nijakim čynam nie źviazanaja z biełaruska-ukrainskimi adnosinami. Jak tolki «Ajerosvit», padkantrolny ŭkrainskamu miljarderu Iharu Kałamojskamu, apłacić pasłuhi — jaho paloty buduć adnoŭlenyja.

tut.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH