Navinka sa stalicy Bielhii. Takuju nietradycyjnuju jełku pastavili na płoščy Hran-Plas u Bruseli ŭ hetym hodzie. Jełka moža źmianiać koler dy ŭžo vyratavała adnu sapraŭdnuju jełku ź bielhijskich lasoŭ. Ale prychilniki žyvych jełak niehatyŭna ŭspryniali štučnuju kubičnuju zamienu i ŭžo sabrali kala 10 tysiač podpisaŭ za viartańnie na płošču zvyčajnaha chvojnaha dreva.
Z hetaj taksama ekałahičnaj (choć užo nie takoj prostakutnaj) jełkaj z karkasu i śvietadyjodaŭ sustreli kalady ŭ 2011 hodzie dublincy.
Treš-jełka, jakuju ŭstalavali ŭ Bierlinie ŭ 2011 hodzie. Bierlinskaje kaladnaje dreva było zroblena ź mietałałomu, śmiećcia i mahło vyryhać połymia.
Idei ekałahičnych jełak z recykłabielnych materyjałaŭ vielmi papularnaja ŭ śviecie. U 2007 hodzie ŭ Banhkoku źjaviłasia jełka z pustych butelek z-pad pitnaj vady.
Kaladnaja jełka moža być i vydatnaj rekłamaj. U 2009 hodzie kampanija «Heineken» pastaviła kala handlovaha centra ŭ Šanchai voś takuju jełku, składzienuju z 1000 butelek ź pivam.
Jełka ŭ aŭstralijskim horadzie Sidnej, zroblenaja sa starych rovaraŭ. Na hetym miescy ŭ 2008 hodzie stajała jełka sa starych kresłaŭ, u 2009 — z pustych butelek. A ŭ 2010 pryjšoŭ čas rovaraŭ.
Jašče adna jełka z rovarnych zapčastak. Na hety raz u horadzie Hroninhien (Niderłandy).
Vieniecyjanskaje škło było viadoma va ŭsim śviecie jašče ŭ Siaredniaviečča. Hetaje majsterstva žyvie i zaraz, i najlepšym dokazam tamu jość voś takaja dzivosnaja jełka, zroblenaja šklarami ź vieniecyjanskaha vostrava Murana ŭ 2007 hodzie.
Stvaralniki hetaj jełki, ustalavanaj u Madrydzie ŭ 2007 hodzie, natchnilisia kłasičnaj kampjuternaj hulnioju «Pekmen».
Napeŭna, samaja vialikaja kaladnaja jełka na płaniecie znachodzicca ŭ nievialikim horadzie Hubia ŭ Italii. Miascovyja žychary vyrašyli ŭpryhožvać schił hary takim čynam bolš za 30 hadoŭ tamu. Jełku vyšynioju 700 i šyrynioju 350 mietraŭ možna bačyć z 50-kiłamietrovaj adlehłaści. A z 2010 hoda elektryčnaść dla hetaj jełki vypracoŭvajuć soniečnyja batarei.
Minskaja jełka taksama trochi niezvyčajnaja: jana žyvaja «napałovu». Kali bolšaść krain vybiraje lohki šlach i prosta staviać vializnuju śpiłavanuju jełku, u Biełarusi jałovyja halinki zamacoŭvajucca na śpiecyjalnym karkasie. Praz heta hałoŭnaja jełka krainy vyhladaje adnolkavym zialonym konusam užo šmat hadoŭ zapar. Darečy, jełku na Kastryčnickaj ŭžo zapalili.
A hetaja jełka naviečna zastaniecca ŭ historyi Viciebska.
Va ŭsioj krainie staviać staviać i ŭpryhožvajuć kaladnyja jełki. Zvyčajnaja biełaruskaja jełka — žyvaja (časam jełku navat nie śsiakajuć, kali dreva raście ŭ patrebnym miescy). Hałoŭnaja jełka na Kastryčnickaj vyhladaje stabilnym konusam užo jaki hod. Ale niekatoryja harady ŭsprymajuć kaladnuju jełku jak abjekt samych śmiełych mastackich ekśpierymientaŭ. «Naša Niva» zrabiła padborku dziŭnych kaladnych jełak, jakija źjaŭlalisia ŭ hramadskich miescach pa ŭsioj płaniecie.
