Paciarpiełuju ŭ DTZ pad Biełastokam biełarusku siońnia dastavili ŭ Hrodzienskuju abłasnuju balnicu. Rašeńnie ab transpartavańni druhoj surjozna paciarpiełaj u avaryi žančyny ź Biełarusi polskija miedyki prymuć zaŭtra, paviedamlaje telekanał ANT sa spasyłkaj na biełaruskaje konsulstva ŭ Biełastoku.
U abiedźviuch žančyn, jakija paciarpieli ŭ avaryi pad Biełastokam, traŭmy chrybietnika. Učora mikraaŭtobus ź Biełarusi pieraviarnuŭsia na zaśniežanaj trasie. Pavodle papiaredniaj viersii polskaj palicyi, kiroŭca mikraaŭtobusa nie spraviŭsia z kiravańniem na ślizkaj darozie.
U sałonie znachodzilisia 13 čałaviek, usie biełarusy. Pasažyry, akramia dźviuch surjozna paciarpiełych žančyn, i kiroŭca mikraaŭtobusa ŭžo viarnulisia ŭ Hrodna.