Vystava “Biełaruś na razdarožžy 1812 hoda” adkryjecca ŭ Puškinskaj biblijatecy 6 śniežnia a 17-j hadzinie. Tvory, jakija trapili ŭ ekspazicyju, abjadannyja temaj losu Biełarusi padčas vajny 1812 hoda – arhanizatary nazyvajuć vystavu “svojeasablivym pohladam “znutry” na vajnu, što pryniesła vyniščeńnie Biełarusi, ale źjaŭlałasia sprobaj “pierastvaryć” mapu Jeŭropy”.
Na vystavie možna ŭbačyć tvory mastakoŭ Jaŭhiena Šuniejki (žyvapis, tekstylnaje mastactva), Hienadzia Drazdova (fota, žyvapis), Anatola Bialaŭskaha (žyvapis). Da ich dałučajucca mastaki Natalla Biełavokaja (rośpis pa laŭkasu), Uładzimir Sajko (žyvapis), Mikoła Aŭčyńnikaŭ (akvarel), Ryhor Miažujeŭ (akvarel), Viktar Barabancaŭ (žyvapis), Viktar Mikita (hrafika), Uładzimir Sytčanka (kampjutarnaja hrafika).
Aproč taho, na adkryćci vystavy vystupiać historyk, žurnalist i krajaznaŭca Anatol Vałachanovič, litaratarka Valeryja Kustava, daśledčyk mifałohii Iryna Klimkovič, historyk i piśmieńnik Vital Byl, vykanaŭca muzyčnych baład Uładzimir Jeŭtuch, paetka Aksana Jučkavič, rok-hurt “Vierasień”.
Asablivuju ŭvahu aŭtary ekspazicyi nadali vobrazu biełaruskaj žančyny i jaje losu padčas vajny, a taksama vobrazam markitantak – francužanak, jakija supravadžali žaŭnieraŭ Napaleona.
Uvachod volny, vystava praciahniecca da 13 śniežnia.
0
0
0
0
0
0
