Stvareńnie hramadska-palityčnaha chołdynhu na bazie «Sovietskoj Biełoruśsii» zapłanavana na 2013-y

Pra heta paviedamiŭ siońnia žurnalistam namieśnik ministra infarmacyi Uładzimir Matusievič. «Pakul heta pytańnie prapracoŭvajecca. Praktyčnaja realizacyja zapłanavana na nastupny hod»,

— skazaŭ namieśnik ministra.

Akramia taho, vystupajučy siońnia na respublikanskim sieminary dla pres-słužbaŭ dziaržorhanaŭ i rehijanalnych pradstaŭnikoŭ, Uładzimir Matusievič rastłumačyŭ, što ŭ hety chołdynh pavinny ŭvajści haziety «Sovietskaja Biełoruśsija», «Narodnaja hazieta», «Respublika», «Biełaruskaja niva» i «Znamia junosti».

Taksama jon nahadaŭ, što kala miesiaca tamu było zavieršana stvareńnie vydavieckaha doma «Źviazda»,

jaki abjadnaŭ adnajmiennuju biełaruskamoŭnuju hramadska-palityčnuju hazietu i litaraturna-mastackuju presu. «Hetaja abjadnanaja struktura pavinna stać dobrym intelektualnym centram dla vypracoŭki i realizacyi inicyjatyŭ u śfiery nacyjanalnaj litaratury i kultury ŭ cełym», — adznačyŭ namieśnik ministra.

Uładzimir Matusievič adznačyŭ pry hetym, što stvareńnie takich struktur — heta i suśvietny vopyt, i biełaruski vopyt. Faktyčna pa takim pryncypie pracujuć ahienctva BiełTA i «Vajar».

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH