Dziaržaŭny doŭh Respubliki Biełaruś na 1 listapada 2012 hoda skłaŭ 121,8 trłn. rubloŭ i pavialičyŭsia ŭ paraŭnańni z pačatkam hoda na 5,5 trłn. rubloŭ, ci na 4,7%.
Jak paviedamlaje Ministerstva finansaŭ, pavieličeńnie dziarždoŭhu za kastryčnik hetaha hoda ŭ asnoŭnym abumoŭlena rostam unutranaha doŭhu.
Unutrany dziaržaŭny doŭh z pačatku 2012 hoda pavialičyŭsia na 980,6 młrd. rubloŭ, pa stanie na 1 listapada skłaŭšy 18,8 trłn. rubloŭ pry ŭstanoŭlenym limicie 34 trłn. rubloŭ.
Pavieličeńnie ŭnutranaha dziaržaŭnaha doŭhu ŭ 2012 hodzie abumoŭlena asłableńniem kursu biełaruskaha rubla i emisijaj dziaržaŭnych doŭhaterminovych ablihacyj.
Źniešni dziarždoŭh pa stanie na 1 listapada skłaŭ 12,1 młrd. dalaraŭ ZŠA pry ŭstanoŭlenym limicie 14,3 młrd. dalaraŭ, pavialičyŭšysia z pačatku hoda na 275,6 młn. dalaraŭ ZŠA.
Pavieličeńnie źniešniaha dziaržaŭnaha doŭhu ŭ 2012 hodzie ŭ asnoŭnym abumoŭlena pryciahnieńniem kredytaŭ MBRR, AKF JeŭrAzES i bankaŭ Kitaja.
0
0
0
0
0
0
