Biełaruskija kardyjachirurhi zrabili ŭnikalnuju apieracyju na aorcie
U RNPC «Kardyjałohija» biełaruskija śpiecyjalisty paśpiachova praviali adkrytaje chirurhičnaje pratezavańnie anieŭryzmy hrudnoj aorty. Hetuju apieracyju robiać vielmi redka nie tolki ŭ Biełarusi, ale i ŭ inšych krainach, bo jana vielmi składanaja technična.
07.11.2023 / 16:57
«Vybar sposabu chirurhičnaj karekcyi anieŭryzmy hrudnoj aorty patrabuje dastatkovaha vopytu lačeńnia takich pacyjentaŭ u ramkach kankretnaj ustanovy», — adznačaje Ministerstva achovy zdaroŭja.
59-hadovaja pacyjentka z anieŭryzmaj zychodnaha adździeła hrudnoj aorty pastupiła ŭ 1-je kardyjachirurhičnaje adździaleńnie RNPC «Kardyjałohija» ŭ kastryčniku. Viadučyja sardečna-sasudzistyja chirurhi centra Siarhiej Śpirydonaŭ, Alaksandr Žyhałkoviča, Alaksiej Smalakoŭ i Raman Pyžyk vykanali reziekcyju anieŭryzmy i pratezavańnie zychodnaha adździeła hrudnoj aorty liniejnym pratezam Gelwave.
Uskładnieńniaŭ paśla apieracyi, jak paviedamlajecca, nie ŭźnikła, na 14-ja sutki paśla jaje pacyjentku pieraviali na reabilitacyju.
«Hetaja apieracyja pravodzicca vielmi redka nie tolki ŭ Respublicy Biełaruś, ale i ŭ inšych krainach, — padkreślivajuć u Ministerstvie achovy zdaroŭja. — Naprykład, pa infarmacyi Tavarystva sasudzistych chirurhaŭ Rasijskaj Fiederacyi lik adkrytych umiašańniaŭ na hrudnoj aorcie vahajecca ŭ miežach 40 apieracyj u hod».
Čytajcie taksama:
97-hadovaja žančyna atrymała apioki na pažary, ale piać dzion nie źviartałasia da daktaroŭ
Jak pracuje i kolki zarablaje biełaruskaja doktarka ŭ Čechii