У Беларусі можна зрабіць тэст на схільнасць да захворванняў
Аналіз бяруць у выглядзе саскоба са слізістай унутранага боку шчакі.
19.10.2023 / 08:43
Генетычны пашпарт дапамагае выявіць схільнасць да многіх сур'ёзных захворванняў. У Беларусі яго можна зрабіць у Інстытуце генетыкі і цыталогіі Нацыянальнай акадэміі навук. Даследаванне дапамагае выявіць схільнасць да 19 захворванняў, распавёў журналістам намеснік дырэктара па навуковай працы Інстытута генетыкі і цыталогіі НАН Беларусі Павел Марозік, піша Office Life.
Гаворка ідзе пра сардэчна-сасудзістыя захворванні, цукровы дыябет, касцёва-цягліцавыя, аўтаіммунныя і іншыя хваробы.
Па словах Марозіка, дзякуючы такім даследаванням можна выявіць найбольш распаўсюджаныя мутацыі ў беларускай папуляцыі, а таксама вызначыць генетычны профіль насельніцтва.
Аналіз бяруць у выглядзе саскобу са слізістай унутранага боку шчакі.
Кошт пашпарта залежыць ад колькасці даследаванняў. Напрыклад, на сайце лабараторыі генетыкі чалавека НАН Беларусі ўказана, што ацэнка рызыкі сардэчна-сасудзістых захворванняў абыйдзецца ў 323 рублі.
Сюды ўваходзяць даследаванні на схільнасць да інфаркту міякарда, фібрыляцыю перадсэрца, флебатрамбозу і тромбаэмбаліі лёгачнай артэрыі.
Чытайце таксама:
Беларусь папрасіла даслаць ёй іранскія лекі — Міністэрства аховы здароўя Ірана
«Зваротная вакцына» дапаможа лячыць рассеяны склероз, дыябет 1 тыпу і рэўматоідны артрыт
Мінздароўя расказала, колькі дзяцей са СМА ўжо атрымалі самы дарагі ў свеце прэпарат