Andrej Sańnikaŭ vydaŭ dychtoŭnuju knihu pra turemnuju kuchniu

Eks-kandydat u prezidenty i były palitviazień Andrej Sańnikaŭ vydaŭ knihu «ZK — Zabaronienaja kuchnia», pryśviečanuju ježy i kuchni turmaŭ u roznych krainach. Nabyvajučy jaje, vy dapamožacie siemjam palitviaźniaŭ.

24.05.2023 / 13:55

Fota: fejsbuka Andreja Sańnikava

«Skončyŭ unikalny prajekt — turemnuju kulinarnuju knihu. Siabry dapamahli jaje hodna vydać. Kniha ŭnikalnaja tym, što recepty straŭ i apisańnie ich pryhatavańnia — heta toje, što nasamreč hatavali ZeKa ŭ turmach dla siabie», — napisaŭ Andrej Sańnikaŭ.

Pa jaho słovach, byli ŭ śviecie knihi receptaŭ straŭ, jakija raspracoŭvali u roznych krainach dla viaźniaŭ, a na roznych movach vydavalisia knihi receptaŭ straŭ, jakija hatujuć u turmach i kałonijach.

Adnak kniha kulinarnaj tvorčaści samich ZeKa pakul adzinaja».

«Usie srodki ad realizacyi drukavanych praduktaŭ, da jakich ja maju dačynieńnie, iduć na dapamohu palitviaźniam Biełarusi», — zaznačyŭ palityk.

Kniha vydadziena pad psieŭdanimam «Łapicyj» (jaho pachodžańnie tłumačycca va ŭstupie da vydańnia), kab nie padviarhać niebiaśpiecy ŭdzielnikaŭ prajekta.

Usie stravy ŭ knizie hatavalisia ŭ niavoli, i byli paŭtorany na voli ŭ aŭtentyčnym vykanańni.

«Dla biaśpieki žadajučym zakazać knihu i tym samym dapamahčy palitviaźniam prapanuju pisać asabistyja paviedamleńni. Navat kali vy nie ŭ maich siabrach na FB, ja budu praviarać usie paviedamleńni. Abo napišycie pad pastom u fejsbuku, kali chočacie źviazacca.

Hrošy prapanujecca pieravodzić praz Paypal, Paysend ci niepasredna na rachunak arhanizacyi (zarehistravanaj u Jeŭropie, što źjaŭlajecca harantyjaj metavaha vykarystańnia srodkaŭ).

Paśla atrymańnia apłaty kniha/knihi buduć adpraŭleny pa ŭkazanym vami adrasie.

Čytačam ź Biełarusi, na žal, knihu pakul dastavić niemahčyma z punktu hledžańnia biaśpieki, jaje mohuć zakazać ich siabry, jakija žyvuć za jaje miežami.

Čamu «ad»? Bo mohuć znajścisia čytačy, jakija zachočuć dapamahčy palitviaźniam Biełarusi u bolšym abjomie i adnačasova atrymać unikalnaje vydańnie», — dadaŭ Andrej Sańnikaŭ.

Pačatkovy ŭznos — 99 EUR!

Čytajcie taksama:

Jak možna zadanacić i padtrymać palitviaźniaŭ: śpis arhanizacyj

«Vitajem u piekle!» Žurnalist Aleh Hruździłovič raskazaŭ pra svoj dośvied u ŠIZA i rastłumačyŭ, čym jon roźnicca ad karcara

Nashaniva.com