У цэнтры Гродна з'явіцца мурал пра паляванне
Да Дня горада ў Гродне з'явіцца мурал, на якім будуць выяўленыя гістарычныя сюжэты, датычныя палявання, паведаміў партал Newgrodno.by.
22.05.2023 / 23:24
Гэты мурал з'явіцца на доме №11 па вуліцы Карла Маркса. У карціну ператворыцца сцяна будынка, што выходзіць на двор. Аўтарам яе стане вядомы гродзенскі мастак Уладзімір Качан.
Дом гэты — не выпадковы, у ім месціцца галерэя халоднай зброі «Грышук Арсенал». Ініцыятарам стварэння мурала выступіў уладальнік галерэі Анатоль Грышук, падтрымалі яго ініцыятыву і гарадскія ўлады. Плошча мурала будзе больш за 430 «квадратаў».
Твор будзе адлюстроўваць гісторыю Горада ў сюжэтах і сцэнах на тэму палявання.
Зараз сцяну прыводзяць у парадак, роспіс пачнецца адразу пасля рамонту. Завяршыць яго плануюць да Дня горада, які ў Гродне традыцыйна адзначаюць у верасні.
Чытайце таксама:
Мурал «Зямля пад белымі крыламі» з’явіўся ў Брэсце
«Нараджэнне». Паглядзіце, які мурал з'явіўся ў Салігорску. ФОТЫ
«Насустрач світанку». Паглядзіце, які мурал зрабілі ў Гродне ФОТЫ