ПСЖ, здаецца, знайшоў замену Ліянэлю Месі
«ПСЖ» разглядае форварда «Марселя» Алексіса Санчэса як патэнцыйную змену Ліянэлю Месі, які ўлетку можа пакінуць клуб.
18.05.2023 / 09:06
Алексіс Санчэс — форвард зборнай Чылі. Фота Martin Meissner / AP
Прадстаўнікі «ПСЖ» ужо звязаліся з агентам Санчэса, каб прапанаваць умовы супрацоўніцтва. Кантракт чылійца з «Марселем» заканчваецца па завяршэнні гэтага сезона, роўна як і двухгадовая дамова Месі з «ПСЖ», піша Tribuna.com
Зрэшты, «Марсель» імкнецца падоўжыць кантракт з 34-гадовым Санчэсам, які з 18 галамі ва ўсіх турнірах з'яўляецца найлепшым бамбардзірам каманды ў гэтым сезоне.
Ключавым фактарам пры прыняцці рашэння адносна сваёй будучыні для Алексіса можа стаць удзел у Лізе чэмпіёнаў. Па выніках 35 тураў «Марсель» займае трэцяе месца ў Лізе 1, якое гарантуе ўдзел у трэцім кваліфікацыйным раўндзе.
Летам Ліянэль Месі, які прывёў Аргенціну да залатых медалёў чэмпіянату свету, хутчэй за ўсё пакіне ПСЖ. Ён можа перабрацца ў Саўдаўскую Аравію, вярнуцца ў «Барселону», або адправіцца ў «Інтэр» Маямі, якім кіруе Дэвід Бэкхем.
Чытайце таксама:
Ліянэль Месі папрасіў прабачэння за паездку ў Саудаўскую Аравію
«Манчэстэр Сіці» разграміў «Рэал» і выйшаў у фінал Лігі чэмпіёнаў