Камандуючы Сухапутнымі войскамі наведаў Бахмуцкі напрамак і паведаміў пра «некалькі рашэнняў»
Гэтыя рашэнні накіраваныя забеспячэнне эфектыўнай абароны і нанясенне максімальных страт суперніку.
02.05.2023 / 10:09
Аляксандр Сырскі з падначаленымі. Фота з тэлеграм-канала А. Сырскага
Камандуючы сухапутнымі войскамі УСУ генерал-палкоўнік Аляксандр Сырскі прыехаў з праверкай на пазіцыі ўкраінскіх вайскоўцаў на Бахмуцкім напрамку, паведамляе РБК-Украіна.
«Прыехаў да нашых воінаў, якія выконваюць баявыя задачы на Бахмуцкім напрамку», — распавёў ён.
Ён паведаміў, што разам з камандзірамі яны прынялі «шэраг неабходных рашэнняў», накіраваных на»забеспячэнне эфектыўнай абароны і нанясенне максімальных страт суперніку».
«Пагутарылі з абаронцамі Усходняга фронту. У цэнтры ўвагі пастаянна павінны быць людзі, ад салдата да камбрыга. Ніхто не павінен застацца ў баку, паколькі менавіта дзякуючы іх самаахвярнасці і прафесіяналізму Бахмут трымаецца», — дадаў Сырскі.
Як сцвярджае РБК-Украіна, Масква паставіла сабе чарговы дэдлайн акупацыі Бахмута — 9 мая. А потым, паводле адной з версій, Уладзімір Пуцін можа абвясціць на гэтай «пераможнай ноце» аб заканчэнні вайны: маўляў, «усе мэты СВА выкананыя, украінская армія разбітая».
Чытаць таксама:
ЗША: Са снежня на вайне ва Украіне загінулі 20 тысяч расіянаў, многія з іх — у Бахмуце
«Больш, чым войска Чэхіі або Венгрыі». УСУ распавялі, колькі расіян ваюе пад Бахмутам
Камандуючы Усходняй групоўкай войск УСУ патлумачыў, чаму яны працягваюць утрымліваць Бахмут