Беларускія ракетчыкі скончылі вучыцца абыходжанню з тактычнай ядзернай зброяй
Разлікі аператыўна-тактычнага ракетнага комплексу «Іскандэр-М» ракетных войскаў Узброеных сіл Беларусі завяршылі практычную падрыхтоўку ў Расіі, паведаміла прэс-служба Мінабароны Беларусі.
22.04.2023 / 21:45
Сёння беларускія вайскоўцы прызямліліся на аэрадроме «Мачулішчы» пасля праходжання поўнага цыкла навучання на адным з палігонаў Узброеных Сіл РФ.
Беларускія ракетчыкі адправіліся ў Расію 4 красавіка. Планавалася, што яны пройдуць курс навучання па абыходжанні з тактычнымі ядзернымі ракетамі для комплексаў «Іскандэр-М».
У канцы сакавіка прэзідэнт Расіі Уладзімір Пуцін заявіў, што ў Беларусі будзе размешчаная тактычная ядзерная зброя. Тады ж ён паведаміў, што падрыхтоўка беларускіх вайскоўцаў пачнецца з 3 красавіка.
Чытайце таксама:
Генеральны сакратар НАТА: Ядзерныя пагрозы Расіі нас не запалохаюць, падтрымка Украіны працягнецца
G7: Пагроза размяшчэння ядзернай зброі ў Беларусі непрымальная