Harady abłasnoha padparadkavańnia nie buduć uklučać u śpisy prablemnych pa biespracoŭi. Navat kali prablemy tam jość
Harady abłasnoha patrabavańnia ŭ Biełarusi pierastanuć uklučać u śpis terytoryj z napružanaj situacyjaj na rynku pracy. Heta praduhledžana pastanovaj urada.
21.04.2023 / 17:27
Havorka, vidać, pra abłasnyja centry, a taksama pra Navapołack, Žodzina, Babrujsk, Baranavičy, Pinsk. Ciapier ich nie buduć uklučać u śpis samych prablemnych haradoŭ pa biespracoŭi.
Charakterna, što ŭ śpis samych «darmajedskich» haradoŭ raniej traplali jakraz Baranavičy, Žodzina i Babrujsk, źviartaje ŭvahu «Zierkało».
Užo niekalki hadoŭ u Biełarusi vyznačajuć rajony i harady z napružanaj situacyjaj na rynku pracy. Urad składaje hety śpis u kancy biahučaha hoda na nastupny. Z 2021 hoda infarmacyju pra heta pierastali publikavać na Nacyjanalnym pravavym internet-partale, dzie zvyčajna raźmiaščajuć aficyjnyja dakumienty. Tamu ciapier hetyja źviestki kali i ŭdajecca daviedacca, to pa publikacyjach u miascovych ŚMI.
Čytajcie taksama:
U Brasłaŭskim rajonie ŭ bazu «darmajedaŭ» unieśli 10% nasielnictva
Dzie lepš žyć u Biełarusi? Daśledčyki skłali rejtynh biełaruskich haradoŭ
«A vy čamu nie na pracy?» Jak u savieckija časy łavili i karali darmajedaŭ