У касцёлах на Дзень Канстытуцыі на загад уладаў будуць маліцца за яднанне
15 сакавіка у рымска-каталіцкіх парафіях у малітву вернікаў падчас святой імшы ўключаць спецыяльную просьбу — «аб міры, прымірэнні і яднанні жыхароў Беларусі», піша рэсурс Katolik.life.
13.03.2023 / 18:46
Фарны касцёл у Наваградку
У прыватнасці, гэта адбудзецца ў парафіях Гродзенскай дыяцэзіі. Па даручэнні біскупа Аляксандра Кашкевіча, «з улікам просьбы абласных улад», гродзенская курыя папрасіла памаліцца за гэта ва ўсіх касцёлах рэгіёна. Пра гэта стала вядома з нядзельных аб'яў у парафіях.
Можна меркаваць, што падобную просьбу ўлады маглі накіраваць і ў мясцовую праваслаўную епархію.
Чытайце таксама:
Улады разарвалі бясплатныя дамовы арэнды з чатырма касцёламі — праваабаронцы
Правядзенне службаў у касцёлах Гродзеншчыны на польскай мове чыноўнікі назвалі незаконным
Перапісванне гісторыі: у касцёле ў Солах замалявалі роспіс з «Цудам на Вісле»