Polskija ŭłady nie płanujuć zakryvać pierachod Kukuryki — Kazłovičy
Pra toje, što polskija ŭłady nie majuć namieru zakryvać pamiežny pierachod «Kukuryki — Kazłovičy» na miažy ź Biełaruśsiu, paviedamiŭ vice-ministr infrastruktury polskaha ŭrada Rafał Veber na sustrečy z pradstaŭnikami polskich pieravozčykaŭ, piša slowopodlasia.pl.
17.02.2023 / 18:09
Fota: Wikimedia Commons
Sustreča adbyłasia 15 lutaha. U joj uziali ŭdzieł pradstaŭniki Ministerstva infrastruktury Rafał Veber, Renata Rychter i Słavamir Pivavar. Taksama na joj prysutničali staršynia praŭleńnia Nacyjanalnaj asacyjacyi pieravozčykaŭ u Biała-Padlascy Tadevuš Hajoŭnik i pradstaŭniki transpartnych asacyjacyj Polščy.
Člen praŭleńnia i skarbnik Nacyjanalnaj asacyjacyi pieravozčykaŭ u Biała-Padlascy Marcin Patapčuk paviedamiŭ žurnalistam, što ŭdzielniki sustrečy pačuli jasnuju zajavu ad namieśnika ministra, što pierachod začynieny nie budzie.