Polskija čynoŭniki i pahraničniki kala pamiežnaj ściany. Fota: AP / Maciek Luczniewski
«My nie vyklučajem zakryćcia inšych pierachodaŭ ź Biełaruśsiu. Jość jašče adzin vielmi vialiki pierachod «Ciarespal», kali ja pravilna pamiataju. Na hety raz my začynili pierachod «Babroŭniki». Pryčyna — heta ŭzmacnieńnie supiarečnaściej ź Biełaruśsiu. Biełaruś sapraŭdy instrumientalizavana rasijanami i Kramlom. Jana hraje kramloŭskuju muzyku. Heta dla nas, dla Ukrainy i Jeŭropy — usio bolš i bolš niebiaśpiečnyja pavodziny i ŭsio bolš i bolš niebiaśpiečnaja źjava. My pasłali vielmi mocny sihnał pa hetym kanale Minsku», — skazaŭ Maraviecki.
Taksama polski ŭrad nazvaŭ adnoj z hałoŭnych pryčyn zakryćcia pahranpierachodu ź Biełaruśsiu ŭ Babroŭnikach rašeńnie Hrodzienskaha abłasnoha suda, jaki asudziŭ žurnalista mižnarodnaha kanała hramadskaha telebačańnia Polščy Polonia Andreja Pačobuta da vaśmi hadoŭ pazbaŭleńnia voli. Pra heta paviedamiŭ u piatnicu na bryfinhu pres-sakratar MZS Polščy Łukaš Jasina.
«My ŭsie viedajem, što robić Biełaruś, jakuju ahresiŭnuju palityku dapuskaje ŭ dačynieńni da našaj krainy apošnija paŭtara hoda… Dumaju, važnyja pytańni dziaržbiaśpieki prymušajuć nas ciapier tak siabie pavodzić. Heta racyjanalnaje rašeńnie, jakoje harantuje biaśpieku polskaj dziaržavy», — skazaŭ jon, abvinavaciŭšy ŭ iracyjanalnych pavodzinach ułady Biełarusi za dziejańni ŭ dačynieńni da Pačobuta.
«Ci buduć prymacca niejkija inšyja rašeńni pa hetaj spravie? My sapraŭdy jašče nie raz sustreniemsia tut u ministerstvie, — ukazaŭ Jasina i dadaŭ: — My ŭsie razumiejem, z kim susiedničajem i pa jakoj pryčynie tyja ci inšyja kroki robiacca. Nahadaju, što heta adbyvajecca praz paŭtara hoda paśla taho, jak Biełaruś dapuściła ŭ dačynieńni da našaj krainy ledź nie pramuju ahresiju. Ciarpieńnie polskaj dziaržavy i tak vialikaje».
Nahadajem, što siońnia z 14:00 pavodle biełaruskaha času pa inicyjatyvie polskaha boku byŭ spynieny ruch u punkcie propusku «Bierastavica — Babroŭniki».
U listapadzie 2021 hoda ŭ adkaz na instrumientalizacyju łukašenkaŭcami nielehalnych mihrantaŭ byŭ začynieny pierachod «Bruzhi — Kuźnica».
U vyniku na miažy zastajucca dva pahranpierachody: «Varšaŭski most — Ciarespal» dla lehkavoha aŭtatranspartu i «Kazłovičy — Kukuryki» — dla hruzavoha.
Začyniajcie. Vialikuju spravu zrobicie, dyktaturu pieramožacie, Łukašienku źniščycie, Maskovija razvalicca.