Макрон не выключыў, што Украіне перададуць знішчальнікі
Прэзідэнт Францыі Эманюэль Макрон заявіў, што не выключае адпраўкі знішчальнікаў ва Украіну, але перасцярог ад рызыкі эскалацыі канфлікту, піша France24.
30.01.2023 / 23:04
Эманюэль Макрон з Маркам Рутэ. Фота: AP Photo/Peter Dejong
«Нішто не выключана ў прынцыпе», — сказаў Макрон пасля перамоў з прэм'ер-міністрам Нідэрландаў Маркам Рутэ, адказваючы на пытанне аб магчымасці паставак знішчальнікаў ва Украіну.
Прэзідэнт Францыі адзначыў, што пастаўкі ўзбраенняў Украіне дапушчальныя, калі яны «не прывядуць да эскалацыі» і «не будуць выкарыстоўвацца на тэрыторыі Расіі, а выключна для самаабароны».
Акрамя таго, ён дадаў, што любыя пастаўкі зброі «не павінны аслабляць баяздольнасць французскіх Узброеных сіл».