Вальфовіч расказаў, што за пратакол падпісалі Хрэнін і Шайгу
У пачатку снежня міністр абароны Расіі Сяргей Шайгу сустрэўся ў Мінску з міністрам абароны Беларусі Віктарам Хрэніным і Аляксандрам Лукашэнкам. Міністры падпісалі пратакол аб унясенні змен у Пагадненне паміж Рэспублікай Беларусь і Расійскай Федэрацыяй аб сумесным забеспячэнні рэгіянальнай бяспекі ў ваеннай сферы. Сэнс гэтых змен не паведамляўся.
30.12.2022 / 23:53
Фота: «Пул першага»
Дзяржсакратар Рады бяспекі Аляксандр Вальфовіч агучыў некаторыя дэталі таго дакумента.
«Дапаўненні і змены, якія ўнесены ў дзейнае пагадненне ў пачатку снежня падчас сустрэчы кіраўнікоў ваенных ведамстваў дзвюх краін, дазваляюць ствараць любую па складзе і колькасці групоўку войскаў адэкватна абстаноўцы, якая складваецца», — сказаў Вальфовіч у інтэрв'ю «Спутніку».
Ён дадаў, што ўсе астатнія пытанні ў дзейным пагадненні аб сумесным забеспячэнні рэгіянальнай бяспекі ў ваеннай сферы ў цяперашняй сітуацыі «не патрабуюць перагляду або дадатковых карэкціровак».