«Увага! Недысцыплінаваныя пешаходы!» — 30 сакавіка

Адзіны дзень бяспечнага дарожнага руху пройдзе 30 сакавіка ў Беларусі з мэтай прафілактыкі пешаходнага траўматызму,

паведаміла карэспандэнту інспектар аддзялення агітацыі і прапаганды УДАІ Мінскай вобласці Ірына Сапунова. Мерапрыемства пройдзе пад дэвізам «Увага! Недысцыплінаваныя пешаходы!».

Асноўнай з прычын дарожна-транспартных здарэнняў з удзелам пешаходаў з’яўляецца ігнараванне імі Правіл дарожнага руху. У сувязі з гэтым ДАІ настойліва рэкамендуе пешаходам быць разважлівымі. Перабягаючы дарогу перад транспартам, пешаходы рызыкуюць самі і ствараюць нязручнасці і небяспеку для іншых.

У Дзяржаўтаінспекцыі нагадалі, што пешаходы павінны ісці па краі праезнай часткі дарогі толькі пры адсутнасці ходнікаў, пешаходнай дарожкі або абочыны, ісці трэба толькі насустрач руху транспарту, а ў цёмны час сутак яшчэ і абазначыўшы сябе святлоадбівальнымі элементамі.

БелТА

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ