Дзяжурны МНС Беларусі паведаміў, што ў Юрацішках Іўеўскага раёна Гродзенскай вобласці падчас пажару моцна пацярпеў аднапавярховы драўляны храм Свяціцеля Мікалая Цудатворца.
Агнём цалкам знішчаны дах і драўляныя перакрыцці на плошчы 30 кв.м. Пашкоджаныя памяшканне кацельні памерам 2 на 2 метры, сцены ўнутры царквы і маёмасць. Пацярпелых няма. У той час, калі адбылося ўзгаранне, у царкве ішла служба. Прыхаджане самастойна пакінулі памяшканне.
Прычынай пажару, паводле папярэдняй версіі, стала парушэнне правілаў пячнога ацяплення.
0
0
0
0
0
0
