РУП «Белтэлекам», якое прапануе доступ у інтэрнэт пад гандлёвай маркай ByFly, з 1 лютага павысіла абаненцкую плату для некаторых тарыфных планаў.

Так,

з сённяшняга дня ТП «Камфорт Лайт» абыдзецца абаненту ў 20 900 рублёў замест 19 000 рублёў, «Камфорт Стандарт» падаражэў з 37 000 да 40 700 рублёў, «Камфорт Экспрэс» — з 50000 да 55 000 рублёў. Плата за «Камфорт міні» вырасла на 1000 рублёў — да 10 990.
Цана за кожны мегабайт звыш улічанага у тарыфным плане трафіку засталася ранейшай.

Акрамя таго, падаражэў тарыф «Оптымум». Замест 70 300 рублёў зараз ён каштуе 80000 рублёў. Цана ТП «Сацыяльны» вырасла з 20 000 да 22 000 рублёў.

У снежні цяпер ужо былы намеснік дырэктара РУП Андрэй Сабораў абяцаў, што ў 2012 годзе доступ у інтэрнэт ад «Белтэлекаму» даражэць не будзе.

Клас
0
Панылы сорам
0
Ха-ха
0
Ого
0
Сумна
0
Абуральна
0

Хочаш падзяліцца важнай інфармацыяй ананімна і канфідэнцыйна?