Пагрозы жыццю паэта няма.
Народнага паэта Беларусі шпіталізавалі 30 чэрвеня з арытміяй. Як паведаміла яго жонка Валянціна, дзядзька Рыгор на мінулым тыдні наведаў участковага ўрача. Яму зрабілі кардыяграму, дзе і выявілася арытмія. Паэту параілі легчы ў шпіталь. Сардэчны рытм у Барадуліна ўжо аднавіўся, але яму працягваюць ставіць кропельніцы. Валянціна Барадуліна сказала, што ў пятніцу мужа павінны выпісаць.
Апошнім часам стан здароўя 76-гадовага Рыгора Барадуліна прымушае хвалявацца прыхільнікаў яго творчасці. У маі паэт трапіў у рэанімацыю. Летась ён месяц правёў у шпіталі з запаленнем лёгкіх.
0
0
0
0
0
0
