Следчае аддзяленне Мазырскага міжраённага аддзела ўпраўлення Дэпартамента фінансавых расследаванняў КДК па Гомельскай вобласці завяршыла расследаванне крымінальнай справы, распачатай па арт. 237 КК (выцягванне крэдыту) у дачыненні да генеральнага дырэктара аднаго з камерцыйных прадпрыемстваў Мазыра.
Як паведамляе абласное ўпраўленне ДФР КДК, гендырэктар у чэрвені 2009 года ў мэтах атрымання крэдыту падаў у аддзяленне «Белаграпрамбанка» ў Мазыры загадзя ілжывыя дакументы і звесткі: бухгалтарскія балансы, справаздачы аб прыбытках і стратах, дадатак да балансу, — у выніку чаго атрымаў крэдыт у памеры 400 млн рублёў.
25 студзеня крымінальная справа была перададзеная пракурору Мазырскага раёна для накіравання ў суд.
0
0
0
0
0
0
