Прайгралі па булітах: Дынама-Мінск — ЦСКА — 2:3 5

Мінскае «Дынама» ў матчы чэмпіянату КХЛ па булітах саступіла маскоўскаму ЦСКА з лікам 2:3. Матч прайшоў на Мінск-Арэне 30 студзеня.

Асноўны час і овертайм скончыліся ўнічыю 2:2 (1:1, 1:1, 0:0, 0:0). Потым была серыя булітаў, прычым каманды не забілі па тры буліты. Адзіны пераможны апошні стрэл у Дзяніса Паршына.

Шайбы: 0:1 (Паршын, 09:06), 1:1 (Варламаў, 10:57), 1:2 (Суглобаў 27:42), 2:2 (Плат, 36:20). 2:3 — Паршын (рашаючы буліт).

Пасля 51 гульні ў «Дынама» — 68 пунктаў і 8 месца ў Заходняй канферэнцыі

(15 перамогаў у асноўны час, 3 перамогі ў овертайме, 5 перамогаў па булітах / 21 параза ў асноўны час, 2 паразы ў овертайме, 5 паразы па булітах, розніца шайбаў 142–150)

Ніжагародскае «Тарпеда» выйграла ў овертайме ў гасцях у «Нафтахіміка» і набрала 67 пунктаў, але ў «Тарпеда» на два матчы меней, чым у «Дынама».

«Дынама» засталося правесці тры матчы — усе дома.

16 лютага супраць чалябінскага «Трактара», 18-га — з «Салават Юлаевым» (Уфа), 20-га — супраць «Металурга» (Магнітагорск).

Плей-оф недзе побач.

***

Сёння быў пабіты рэкорд наведвальнасці Мінск-Арэны і матчаў КХЛ. На матчы прысутнічалі 15 576 гледачоў. Папярэдні рэкорд быў устаноўлены на матчы «Дынама-Мінск» і «Ак Барс» 21 верасня. Тады за гульнёй назіраў 15 531 глядач.

АГ

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ