У краіне дзейнічае прынятая Саветам Міністраў пастанова, якая прадпісвае пры заключэнні шлюбу паміж жыхарамі Беларусі і замежнымі грамадзянамі прадстаўляць органам унутраных справаў пацверджанне таго, што шлюб заключаецца па каханні, а не з карыслівасці.У сталіцы праца ў гэтым напрамку ўскладзеная на падраздзяленні па грамадзянстве і міграцыі ГУУС Мінгарвыканкама, супрацоўнікамі якіх у суды горада ўжо пададзена дзевяць позваў аб прызнанні шлюбаў з іншаземцамі фіктыўнымі. Па выніках судовых паседжанняў у трох выпадках дазвол на пастаяннае пражыванне замежным грамадзянам ужо ануляваны, у шасці позвы знаходзяцца на разглядзе або ў дачыненні да сумнеўных мужоў праводзіцца праверка.
Як расказаў начальнік упраўлення па грамадзянстве і міграцыі ГУУС Мінгарвыканкама Ігар Дарашчонак, былі прынятыя судовыя рашэнні ў дачыненні да трох грамадзян Грузіі, іх шлюбы быў ануляваныя і прызнаныя несапраўднымі, а дазвол на пастаяннае пражыванне ў Беларусі ануляваны. Таксама ў міліцыянтаў узніклі сур’ёзныя сумневы ў дачыненні да двух грамадзянаў Емена і аднаго азербайджанца.
Праведзеныя праверкі далі падставы меркаваць, што замежнікі ўступілі ў шлюб з
беларускамі ў мэтах атрымання дазволаў на пастаяннае пражыванне. Яшчэ ў трох выпадках сапраўднасць шлюбаў беларусак з замежнікамі правяраецца.
Дарэчы, як адзначылі ва УГІМ ГУУС, фіктыўнымі шлюбамі беларускамі збольшага «грашаць» прадстаўнікі паўднёвых рэспублік былога Савецкага Саюза.
0
0
0
0
0
0
