Акцыя салідарнасці на хакейным матчы з пошты Рэдакцыі11
У Рэдакцыю звярнуўся чытач, які прапаноўвае для акцый салідарнасці выкарыстаць «Мінск-Арэну»
«Я вельмі шаную ўсіх, хто ладзіць акцыі салідарнасці па горадзе, але яны, нак жаль, малаэфектыўныя», — піша Мікалай.
Паводле чытача «НН», для прыцягнення ўвагі да рэпрэсій у краіне і палітвязняў, можна выкарыстоўваць не толькі рэкламныя слупы.
«Лядовыя арэны ў краіне пабудаваныя за нашы грошы, таму мы можам свабодна гэтым усім карыстацца. Заклікаю падчас бліжэйшага хакейнага матча, які адбудзецца 30 студзеня ў «Мінск-Арэне», сабрацца ўсім у вызначаным сектары і пачаць скандаваць прозвішчы палітвязняў. Нас пачуе уся краіна, бо прамую трансляцыю гульні будзе весці тэлеканал «Лад», — піша Мікалай. Чытач таксама мяркуе, што для арганізацыі падобнай акцыі салідарнасці можна скарыстацца сацыяльнымі сеткамі.