Такімі словамі рабочыя завода «Нафтан» характарызавалі сітуацыю з недахопам нафты на прадпрыемстве. «Нафтан» працуе на расійскай сыравіне, па якой да 25 студзеня не было дамовы.
Але рабочыя спадзяваліся на «Сашку». Заўважым, не на генеральнага дырэктара і нават не на Бога. А на таго, хто, паводле словаў берасцейскага абласнога галавы Сумара, «вышэйшы за Бога».
Аўтарытарнае кіраўніцтва заўжды дзейнічае па прынцыпе: «мяняем вашы свабоды на нашу адказнасць».
Гіперапека ўлады разбэшчвае грамадства.Пануе дзіцячая логіка: калі ад нас нічога не залежыць, навошта самім дбаць пра нешта? Усё дадуць.
Але ёсць у сітуацыі і адваротны бок: улада ў вачах грамадства робіцца адказнай за ўсё, што адбываецца. Аж да стыхійных бедстваў. І ў выпадку, калі нафтавы дождж усё ж не праліецца, ніякіх аб’ектыўных аргументаў нянькі выхаванцы слухаць не будуць.
0
0
0
0
0
0
