Жарт амерыканскага сайта Weekly World News, які ў нядзелю апублікаваў артыкул, дзе сцвярджалася, што Facebook будзе закрыты 15 сакавіка, выклікаў перапалох у інтэрнэце, многія палічылі інфармацыю праўдзівай, паведамляе BBC.
Сайт Weekly World News, які неаднаразова публікаваў гумарыстычныя навіны, такія як «Іншапланетнікі атакуюць Зямлю ў 2011 годзе», паведаміў, што Марк Цукерберг, заснавальнік Facebook, анансаваў закрыццё гэтай сацыяльнай сеткі.Навіна пра закрыццё сеткі стала самай папулярнай за ўсю гісторыю сайта.
«Facebook выйшаў
Жарт выклікаў сапраўдны ажыятаж, жартоўны артыкул сабраў больш за 9,5 тысяч каментароў, многія паверылі ў тое, што Facebook сапраўды закрываецца.
Афіцыйным прадстаўнікам сацыяльнай сеткі давялося каментаваць «навіну».
Абвяржэнні выйшлі ў найбуйнейшых заходніх СМІ: ВBС, СNN, Washington Post, PCMagazine, TIME.
На афіцыйнай старонцы Facebook у сацыяльнай сетцы з’явілася паведамленне:
«Мы не зразумелі гэтую нататку пра закрыццё, таму працягваем працаваць як заўсёды. Мы нікуды не збіраемся, мы толькі пачынаем».
Больш чым 60 тысячам карыстальнікаў сацыяльнай сеткі спадабаўся гэты запіс, ён сабраў больш за 10 тысяч каментароў.
«Гэта важны ўрок: не верце ўсяму, што чытаеце ў інтэрнэце і двойчы думайце перш чым даслаць такую інфармацыю сябрам, — паведамляе Грэм Клулі, старшы тэхнічны кансультант кампаніі Sophos. — Хаця гэты падман не мае нічога агульнага з вірусамі, крадзяжом інфармацыі, але такога кшталту жарты павышаюць узровень спаму і прыводзяць да таго, што людзі няправільна ўспрымаюць інфармацыю».
