Музыка апублікаваў на сваёй старонцы ў фэйсбуку зварот да слухачоў.
«Я вымушаны звярнуцца да Вас з гэтым лістом, каб не каментаваць потым кожнаму тое, што пракаментаваць немажліва».
Лявон Вольскі вырашыў выказацца наконт свайго няўдзелу ў выступленні гурту NRM на «Рок-каранацыі».
«Цяжка з прэсы даведвацца пра тое, што я знаходжуся ў бестэрміновым адпачынку, куды мяне адправілі калегі па гурту.
Даруйце, прашу Вас, ім гэты крок у гэты час. Даруйце мне, што гэткая сітуацыя сталася мажлівай. Безумоўна, для ўсяго гэтага былі нейкія перадумовы, але папярэдне не патэлефанаваць і не параіцца — гэта неяк зусім не па-чалавечы. І яшчэ раз прашу Вас: даруйце ўсім нам, датычных да гэтае абсурдовае падзеі, што яна адбылася».
0
0
0
0
0
0
