Кіраўніцтва Ліберальна-дэмакратычнай партыі ў дзень прэзідэнцкіх выбараў 19 снежня мае намер наведаць Беларускі дзяржаўны цырк.
"У дзень правядзення выбараў прэзідэнта вышэйшае кіраўніцтва, цэнтральны камітэт, кіраўнікі рэгіянальных структур і каардынатары партыі запланавалі наведванне Белдзяржцырка, у якім адбудзецца цікавы забаўляльны паказ новай праграмы", — паведамілі БелаПАН у прэс-службе партыі.
ЛДП запрашае ўсіх далучыцца і ў гэты дзень "наведаць тэатры, кінатэатры і канцэрты нашай краіны".
Лідар партыі Сяргей Гайдукевіч вылучаўся кандыдатам у прэзідэнты, аднак, заявіўшы аб зборы неабходных для рэгістрацыі 100 тыс. подпісаў, вырашыў зняцца з выбараў. На яго думку, выбары ў Беларусі — гэта "спектакль, вынік якога вядомы загадзя".
0
0
0
0
0
0
