Крымінальная справа за крадзеж была распачата 30 лістапада ў дачыненні да механізатара з Петрыкава.
30-гадовы мужчына, работнік прадпрыемства «Палессе-Аграінвест», наняў пагрузачнае абсталяванне і вывез з тэрыторыі Петрыкаўскага камбіната будаўнічых матэрыялаў пілараму.
Як паведамілі БелаПАН у прэс-службе УУС Гомельскага аблвыканкама, механізатар прадаў пілараму як лом чорнага металу больш чым за 1 млн. 230 тыс. рублёў прадпрыемству «Гомельдругасмет».
У Петрыкаўскім РАУС дапоўнілі, што камбінат будматэрыялаў з’яўляецца банкрутам. Яго тэрыторыя знаходзіцца ў закінутым стане, доступ на яе вольны.
Выкрадзеную пілараму канфіскаваць не ўдалося.
Алена Германовіч, БелаПАН
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ