Прэтэндэнт на пасаду прэзідэнта Дзмітрый Ус 2 лістапада накіраваў Аляксандру Лукашэнку зварот з просьбай у тэрміновым парадку ініцыяваць змяненні выбарчага заканадаўства. Пра гэта Ус паведаміў БелаПАН.
На яго думку, у Выбарчы кодэкс неабходна ўнесці папраўку, якая дае кандыдату ў прэзідэнты права «накіроўваць сваіх прадстаўнікоў ва ўчастковыя выбарчыя камісіі з паўнамоцтвамі падліку бюлетэняў і подпісу пратакола іх падліку».
«Калі Лукашэнка зацікаўлены правесці дэмакратычныя выбары, то ён можа ў тэрміновым парадку ўнесці ў парламент адпаведны законапраект, і праз тыдзень ён будзе прыняты», — заявіў Ус.
У падтрымку вылучэння кандыдатам у прэзідэнты Беларусі дырэктара ТДА «Трывіум» Дзмітрыя Уса сабраныя 110.753 подпісы.
0
0
0
0
0
0
