Былы прэзідэнт Аргенціны Нестар Кіршнер ва ўзросце 60 гадоў памёр ад сардэчнага прыступу ў горадзеЭль-Калафате на поўдні краіны.
Аргенцінай цяпер кіруе яго ўдава, Крысціна Фернандэс Кіршнер. Муж і жонка крытыкаваліся за перадачу ўлады ўнутры сям’і, спробы падаўжэння прэзідэнцкіх паўнамоцтваў і выкарыстанне службовага становішча для асабістага ўзбагачэння.
***
Будучы прэзідэнт нарадзіўся ў сям’і эмігрантаў, яго бацька быў швейцарскага паходжання, маці — харваткай.
Ён выйшаў на палітычную авансцэну пасля таго, як у 2001 г. Аргенціна пагрузілася ў цяжкі фінансавы крызіс,
і заслужыў ўдзячнасць суграмадзян за паспяховую барацьбу з беднасцю і беспрацоўем.
Кіршнер ўзначаліў дзяржаву 25 мая 2003 года. У 2007 годзе ён заявіў, што не будзе балатавацца зноў,
нягледзячы на падтрымку больш за 60% насельніцтва краіны.
Прэзідэнт пайшоў у адстаўку 28 кастрычніка 2007 г. у сувязі з выбраннем на гэтую пасаду яго жонкі.
Меркавалася, што Кіршнер будзе балатавацца на прэзідэнцкіх выбарах 2011 года.
***
Пасля сваёй адстаўкі Нестар Кіршнер скардзіўся на дрэннае здароўе, хоць і працягваў актыўна займацца палітыкай. Ён заставаўся дэпутатам аргенцінскага кангрэса і генеральным сакратаром Саюза паўднёваамерыканскіх нацый, пасярэднічаў ва ўрэгуляванні рэгіянальных праблем.
У лютым гэтага года Кіршнер перанёс аперацыю па выдаленні тромба з соннай артэрыі. У верасні яму была зробленая тэрміновая аперацыя ангіяпластыкі па аднаўленні праходнасці каранарнай артэрыі.
У сераду раніцай Нестар Кіршнер быў зноў дастаўлены ў лякарню, дзе і памёр у прысутнасці сваёй жонкі.
