Фота: Contributor Getty Images
Апошняя ўцечка размовы нямецкіх афіцэраў пра ракеты Taurus і іх магчымае ўжыванне супраць Расіі «сур'ёзна спалохала» некаторых палітыкаў і прымусіла задумацца, а якімі яшчэ данымі магла завалодаць расійская выведка, паведамляе Bild.
Турботы гэтыя таксама тычацца і магчымых зліваў Крамлём інфармацыі аб інтымным жыцці нямецкіх палітыкаў.
Як мяркуе вайсковы эксперт і прафесар Мюнхенскага ўніверсітэта пры Мінабароны Германіі (Бундэсвере) Карла Масала, падобныя інтымныя відэа ўжо могуць быць перахоплены Расіяй.
«Расія ўжо даўно збірае кампрамат на палітыкаў і міністэрскіх чыноўнікаў Германіі. У якасці кампрамату таксама выступае і прыхаваная здымка іх сэксуальнага жыцця, якая потым выкарыстоўваецца для выяўлення ўразлівасцяў і шантажу пры іх вярбоўцы. Мяркую, што падобныя відэа ўжо ёсць у Крамля», — адзначыў газеце Bild прафесар Карла Масала.
Ён дадаў, што Германія для Расіі з'яўляецца «самай важнай дзяржавай у Еўропе», асабліва з пункту гледжання пытання вайсковай падтрымкі Украіны. І менавіта таму тут праводзяцца маштабныя шпіёнскія гульні.
Чытайце таксама:
«Еўропа выгнала шпіёнаў Уладзіміра Пуціна. Цяпер яны вяртаюцца» — The Financial Times
Расійскія прапагандысты закрылі нямецкаму паслу дзверы ў МЗС і заблыталіся ў нямецкай мове
Як расійская разведка змагла перахапіць размову нямецкіх афіцэраў?
