Кірыякас Міцатакіс. Фота: AP Photo/Rafiq Maqbool
Выданне сцвярджае, што мэтай расійскіх войскаў быў картэж прэзідэнта Украіны Уладзіміра Зяленскага. Выбух нібыта адбыўся, калі ён знаходзіўся за 150 метраў ад месцазнаходжання грэчаскай дэлегацыі на чале з прэм'ерам Міцатакісам.
Крыніцы выдання запэўніваюць, што ніхто з грэчаскай дэлегацыі не пацярпеў. «Няма ніякіх праблем з бяспекай прэм'ер-міністра і грэчаскай дэлегацыі», — заявілі афіцыйныя ўрадавыя крыніцы. «Мы ўсе ў парадку», — сказаў раней у каментары выданню дзяржаўны міністр Грэцыі Стаўрас Папастаўру.
Магутны выбух у Адэсе адбыўся незадоўга да сустрэчы прэм'ер-міністра Грэцыі з прэзідэнтам Украіны. У рэгіёне адразу ж была абвешчаная паветраная трывога.
Раней Зяленскі абмеркаваў з Міцатакісам абаронныя патрэбы Украіны. Перад гэтым грэчаскія СМІ паведамілі, што ўлады краіны распарадзіліся падрыхтаваць да перадачы Украіне пакет абсталявання і ўзбраення, якое больш не выкарыстоўваецца ўзброенымі сіламі Грэцыі.
Чытайце таксама:
Уначы былі збітыя 38 з 42 «шахедаў» — Паветраныя сілы Украіны
У Адэсе ад удару дрона загінула сям'я з трыма дзецьмі. Усяго 12 ахвяр
