Дональд Туск. Фота: AP Photo/Mindaugas Kulbis
«Я хацеў бы паведаміць вам, што сёння пасля вяртання з Вільні я звярнуся да старшыні Сейма з прапановай рэзалюцыі, якая заклікае Еўрапейскую камісію ўвесці поўныя санкцыі ў дачыненні да расійскай і беларускай сельскагаспадарчай і харчовай прадукцыі», — сказаў польскі прэмʼер на прэс-канферэнцыі ў Вільні, дзе ён правёў перамовы з кіраўніцтвам Літвы.
Паводле слоў Туска, гаворка ідзе пра тое, каб узмацніць санкцыі ў сувязі з нападам Расіі на Украіну і супрацай Беларусі з РФ. Паводле прэм’ера, рынак сельскагаспадарчай і харчовай прадукцыі краін Еўрасаюза мае патрэбу ў больш эфектыўнай абароне.
«Перакананы, што агульнаеўрапейскае рашэнне будзе непараўнальна больш эфектыўным, чым асобныя рашэнні краінаў рэгіёну», — дадаў польскі прэм'ер.
Раней пра тое, што ўлады Польшчы збіраюцца працаваць над увядзеннем эмбарга на сельскагаспадарчую прадукцыю з Беларусі і Расіі, Туск заявіў 29 лютага пасля сустрэчы з лідарамі пратэстуючых у Польшчы фермераў.
Чытайце таксама:
Польшча можа ўвесці эмбарга на сельскагаспадарчую прадукцыю з Беларусі і Расіі
