85 чалавек асудзілі за выкарыстанне замежнай дапамогі пасля рэйду сілавікоў
Пасля рэйду сілавікоў у канцы студзеня сярод сваякоў палітвязняў і былых палітвязняў пад пераслед патрапілі не менш за 275 чалавек, паведамляе «Вясна».
115 чалавек судзілі па адміністрацыйных справах, з іх 85 — па арт. 24.15 КаАП аб выкарыстанні замежнай бязвыплатнай дапамогі.
Суддзі прызначаюць вялікія штрафы разам з кампенсацыяй сум аплаты ў Едастаўцы.
Беларускія сілавікі правялі ў студзені маштабны рэйд па сваяках палітвязняў і былых палітвязняў. Іх цікавілі людзі, якія атрымлівалі дапамогу ад ініцыятывы INeedHelpBY, якая была прызнана «экстрэмісцкім фармаваннем».
