Барыс Надзеждзін. Фота: Васілій Палонскі
Вярхоўны суд Расіі адхіліў адміністрацыйны пазоў Барыса Надзеждзіна. Пра гэта паведаміў Надзеждзін у сваім тэлеграм-канале, піша РБК.
Надзеждзін аспрэчвае патрабаванне Цэнтрвыбаркама да працэсу збору подпісаў для вылучэння кандыдатам на пасаду прэзідэнта. ЦВК патрабуе, каб зборшчыкі подпісаў былі зарэгістраваныя ў рэгіёне прапіскі падпісантаў, а подпісы, якія супярэчаць гэтаму правілу, прызнаюцца несапраўднымі.
«Гэта значыць, ЦВК кажа, што збіраць подпісы ў хабараўчан, якія пражываюць, напрыклад, у Маскве, можа толькі зборшчык, зарэгістраваны ў Хабараўскам краі», — растлумачыў Надзеждзін.
Ён падкрэсліў, што закон не забараняе расейцам жыць у любым пункце краіны і ставіць свае подпісы за кандыдатаў там, дзе ён пажадае. Палітык дадаў, што пасля адхілення пазову Вярхоўным судом мае намер звярнуцца ў Канстытуцыйны суд.
Прэзідэнцкія выбары ў Расіі пройдуць 15-17 сакавіка. У выбарчых бюлетэнях будуць чатыры прозвішчы: Уладзіміра Пуціна, Леаніда Слуцкага ад ЛДПБ, Мікалая Харытонава (КПРФ) і Уладзіслава Даванкова («Новыя людзі»).
Чытайце таксама:
Нечаканы сюрпрыз. Пуцін адмовіўся ўдзельнічаць у тэледэбатах
Кандыдат у прэзідэнты Расіі Даванкоў разлічвае на супрацоўніцтва з незарэгістраваным Надзеждзіным
Цэнтрвыбаркам Расіі паказаў, як будзе выглядаць выбарчы бюлетэнь. Кідаецца ў вочы адна дэталь
Надзеждзіна не зарэгістравалі кандыдатам на прэзідэнцкіх выбарах у Расіі
